«Հանրապետություն» խմբակցությունն առաջարկում է Լենինգրադյան փողոցը անվանափոխել
Երեւանի ավագանու «Հանրապետություն» խմբակցությունն առաջարկում է Լենինգրադյան փողոցը անվանափոխել բարերար Քըրք Քըրքորյանի անվամբ՝ «Քըրք Քըրքորյան» փողոց:
Խմբակցությունն առաջարկը ներկայացրել է «Ակտիվ քաղաքացի» հարթակում։
«Լենինգրադյան փողոցը մինչև օրս կրում է խորհրդային անցյալը խորհրդանշող անվանում։ Նկատի ունենալով, որ անգամ Ռուսաստանի Դաշնությունում արդեն տարիներ շարունակ Լենինգրադ անվանումը որպես վարչատարածքային միավոր գոյություն չունի (քաղաքն արդեն վերանվանվել է Սանկտ Պետերբուրգ)»։
Նախագիծը մշակվել է խմբակցության ղեկավար Անի Խաչատրյանի և անդամներ Մհեր Բեջանյանի, Հայկ Սահակյանի, Արմեն Մկրտչյանի, Հարություն Մանվելյանի, Գոհար Բալդրյանի, Նելլի Ղարդյանի, Լինա Ղշյանի կողմից։
Այս պահին նախագծին կողմ է քվեարկել 75 քաղաքացի, դեմ՝ 3-ը։ Նախագիծը դիտվել է 362 անգամ, իսկ քվեարկությունը կավարտվի սեպտեմբերի 25-ին։ Հաջորդիվ նախագիծը կընդգրկվի ավագանու նիստի օրակարգ։
