Հետախուզվողը հայտնաբերվեց Ծաղկաձորում․ նա տեղափոխվել է ՔԿՀ
Քրեական ոստիկանության գլխավոր և Երևան քաղաքի վարչությունների ծառայողների համատեղ ձեռնարկած օպերատիվ-հետախուզական միջոցառումների արդյունքում սեպտեմբերի 15-ին Ծաղկաձոր քաղաքում հայտնաբերվել և Երևան քաղաքի վարչություն է տարվել 48-ամյա մի օտարերկրացի.
Նա 2025 թվականի հուլիսի 18-ից հետախուզվում էր իրացնելու նպատակով կեղծ արժույթ, արտարժույթ, արժեթղթեր, վճարահաշվարկային այլ փաստաթղթեր կամ վճարային գործիքներ պատրաստելու, պահելու, տեղափոխելու, առաքելու, ձեռք բերելու կամ դրանք իրացնելու, սուտ մատնության, խարդախության մեղադրանքներով. խափանման միջոցը՝ կալանք։
Նա տեղափոխվել է քրեակատարողական հիմնարկ։ Այս մասին տեղեկանում ենք ՀՀ ՆԳՆ ոստիկանությունից։
