Բաքուն ներկայացրել է ռուս-ադրբեջանական հարաբերությունների վատթարացման պատճառի վերաբերյալ իր դիրքորոշումը
Ադրբեջանի արտաքին գործերի նախարարությունը հայտարարել է, որ «Ռուսաստանի ԱԳՆ մամուլի քարտուղարը սխալմամբ Ադրբեջանում 13 ռուս քաղաքացու ձերբակալությունը ներկայացնում է որպես ադրբեջանա-ռուսական հարաբերությունների վատթարացման պատճառ և նրանց ազատ արձակումը՝ որպես հարաբերությունների բարելավման պայման»։
«Հայտնի է, որ ադրբեջանա-ռուսական հարաբերություններում լարվածությունը պայմանավորված է հարձակման հետևանքով խոցված AZAL ինքնաթիռի կործանմամբ և ռուս պաշտոնյաների հետագա վարքագծով։ Լարվածության լրացուցիչ աղբյուր են դարձել Ռուսաստանում, ըստ էթնիկ պատկանելության, ադրբեջանցիների հետապնդումները, Եկատերինբուրգում ադրբեջանցիների ծեծն ու սպանությունը»,- ընդգծել է նախարարությունը։
Բացի այդ, Ռուսաստանի տարբեր պետական կառույցների գործունեությունը՝ ուղղված Ադրբեջանի դեմ, նույնպես գործոն է, որը բացասաբար է ազդում երկկողմ հարաբերությունների վրա՝ հավելել են Ադրբեջանի ԱԳՆ-ում:
