Դիլիջանում խոշոր ավտովթարի հետևանքով 10 վիրավորների մեջ են ՀՀ նախկին զինդատախազի ազգականները
ՀՀ քննչական կոմիտեի Տավուշի մարզային քննչական վարչության հատկապես կարևոր գործերով ավագ քննիչ Արմեն Ավետիսյանի որոշմամբ նախաձեռնվել է քրեական վարույթ երեկ՝ օգոստոսի 30-ին, Տավուշի մարզում՝ Դիլիջան քաղաքի Կամոյի փողոցում տեղի ունեցած խոշոր ավտովթարի փաստով։
Պարզվել է, որ «Hyundai X35»-ը վարել է Երևանի բնակիչ 31-ամյա Գոռ Ս․-ն, իսկ «Toyota Land Cruiser»-ը վարել է Երևանի բնակիչ 42-ամյա Կարեն Ս․-ն։ Վթարի հետևանքով «Հյունդայի» վարորդ Գոռ Ս․-ն, վերջինիս ուղևորներ՝ Լոռու մարզի բնակիչ 30-ամյա Նաիրա Հ․-ն, Արմավիրի մարզի բնակիչներ 30-ամյա Մարիա Վ․-ն, 37-ամյա Լուսինե Վ․-ն և «Toyota»-ի վարորդ Կարեն Ս․-ն, վերջինիս ուղևորներ՝ Երևանի բնակիչներ 40-ամյա Լիլիթ Ջ․-ն, 12-ամյա Կ․ Ս․-ն և 6-ամյա Տ․ Ս․-ն, մարմնական վնասվածքներով տեղափոխվել են Դիլիջանի բժշկական կենտրոն։
Վիրավորների առաջինը օգնության են հասել քաղաքացիները և այդ պահին նշված վայրով անցնող Երևանի թիվ 4-րդ ենթակայանի բժիշկ-ռեանիմատոլոգ Վահե Գևորգյանը, ով մինչ Դիլիջանի բժշկական կենտրոնի շտապ օգնության բժիշկների ժամանումը անհրաժեշտ բուժօգնություն է ցուցաբերել գրեթե բոլոր վիրավորներին, ապա օպերատիվորեն ժամանած Դիլիջանի բժիշկները վիրավորներին տեղափոխել են Դիլիջանի բժշկական կենտրոն։
«Armlur»-ի տեղեկություններով, վիրավորների մեջ են ՀՀ նախկին զինդատախազ Գագիկ Ջհանգիրյանի փեսան ու թոռները։
վթարի հետևանքով 10 հոգի, որոնցից 4-ը՝ անչափահասներ, տարբեր աստիճանի մարմնական վնասվածքներով տեղափոխվել էին «Դիլիջան» բժշկական կենտրոն:
«Shamshyan.com»
