Սելավի վտանգն անցել է, Լարսը բաց է
Սելավի վտանգն անցել է։ Վերին Լարսի երթևեկությունը բացվել է բոլոր տեսակի տրանսպորտային միջոցների համար։ Այս մասին հայտնում է Հյուսիսային Օսեթիայի արտակարգ իրավիճակների գլխավոր վարչությունը։
Ճանապարհը փակվել էր հուլիսի 31-ին՝ բոլոր տրանսպորտային միջոցների համար, սելավի պատճառով։ Իրականացվել էր «Դարյալի» և «Վերին Լարս» անցակետերի տարհանում։
Ճանապարհի փակման պահին Լարսի ճանապարհին Վրաստանի կողմից ավելի քան 3,000 բեռնատար է կուտակված եղել, որից 1200-ը Հայաստանից ուղևորվող բեռնատարներ են եղել։
Վերին Լարսի անցակետով անցնող այդ ճանապարհը միակ ցամաքային ուղին է, որը Ռուսաստանը կապում է Վրաստանի և Հայաստանի հետ։
