Պոլիտեխնիկը պետք է դառնա առավել գրավիչ ու մրցունակ ակադեմիական աշխատաշուկա. Ավինյան

Երևանի քաղաքապետ Տիգրան Ավինյանի նախաձեռնությամբ Հայաստանի ազգային պոլիտեխնիկական համալսարանում հաստատվելու է պրոֆեսորադասախոսական կազմի աշխատավարձերի նոր՝ զգալիորեն բարձրացված համակարգը։

«Վերջին 4 տարում Պոլիտեխնիկում արդեն երրորդ անգամ էական աշխատավարձի բարձրացում. Այս անգամ՝ 108%, 15%, 14%, 13%-ով՝ պրոֆեսորադասախոսական անձնակազմի համար։

Հոգաբարձուների խորհրդի հաստատմանն եմ ներկայացրել մեկ ակադեմիական ժամի աշխատավարձի բարձրացման առաջարկույթունը, ինչը համապատասխան որոշմամբ հավանության է արժանացել՝

Դասախոս (առանց գիտական աստիճան/կոչում) → +108% 

Դոցենտ, գիտությունների թեկնածու → +15%

Դոցենտ կամ գիտությունների թեկնածու → +14%

Պրոֆեսոր → +13%

Արդյունքում աշխատավարձերը կկազմեն՝

Դասախոս – 302,400 դրամ (1 դրույք), 453,600 դրամ (1.5 դրույք)

Դոցենտ, գիտ. թեկնածու – 432,000 դրամ (1 դրույք), 648,000 դրամ (1.5 դրույք)

Դոցենտ/գիտ. թեկնածու – 360,000 դրամ (1 դրույք), 540,000 դրամ (1.5 դրույք)

Պրոֆեսոր – 612,000 դրամ (1 դրույք), 918,000 դրամ (1.5 դրույք)

Այս բարձրացումները հնարավոր դարձան մեր կառավարման բոլոր մարմինների, բարերարների և վերջին տարիների բարեփոխումների արդյունավետ աշխատանքի շնորհիվ։

Մեր նպատակը հստակ է․ Պոլիտեխնիկը պետք է դառնա առավել գրավիչ ու մրցունակ ակադեմիական աշխատաշուկա։

Բարձրացված աշխատավարձերը ուժի մեջ կմտնեն 2025 թվականի սեպտեմբերի 1-ից»