Հռոմ-Երևան չվերթի ժամանումից հետո հետախուզվող է հայտնաբերվել
Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների շնորհիվ օգոստոսի 25-ին Հռոմ-Երևան չվերթի ժամանումից հետո բաժին է տարվել և ձերբակալվել 33-ամյա օտարերկրյա քաղաքացի:
Այս մասին տեղեկացրել է ՆԳՆ ոստիկանությունը:
Նա 2024 թվականի փետրվարի 14-ից ՌԴ իրավապահների կողմից հետախուզվում էր ճանապարհային երթևեկության շահագործման կանոնները խախտելու մեղադրանքով. խափանման միջոցը՝ կալանք։
Հայտնաբերման մասին հայտնվել է հետախուզումը նախաձեռնողին և դատախազությանը։
