Իսրայելը հարվածներ է հասցրել Եմենի մայրաքաղաքում գտնվող հութիների օբյեկտներին
Իսրայելը զանգվածային հարված է հասցրել Եմենի մայրաքաղաք Սանայում գտնվող հութիների ենթադրյալ ռազմական օբյեկտներին, հայտնել է Իսրայելի պաշտպանության ուժերը:
Իսրայելական կործանիչները հարվածել են նախագահական պալատին, երկու էլեկտրակայանի և վառելիքի պահեստին, ասվում է ՑԱՀԱԼ-ի հայտարարության մեջ:
Հութիների վերահսկողության տակ գտնվող առողջապահական մարմնի տվյալով՝ Իսրայելի հարձակման հետևանքով զոհվել է 6, վիրավորվել 86 մարդ:
AFP-ն, հղում անելով ՑԱՀԱԼ-ին, նաև նշում է, որ գործողությանը մասնակցել է մոտ 10 իսրայելական կործանիչ, իսկ Եմենում գտնվող թիրախները Իսրայելի սահմանից եղել են 2000 կմ հեռավորության վրա:
«1lurer.am»
