Թիվ 109 մանկապարտեզի նորոգման աշխատանքները կատարվում են բացառապես ընկերության հաշվին, ոչ համայնքի բյուջեից. Կոստանյան
Երևանի քաղաքապետարանի կողմից հիմնանորոգված թիվ 109 մանկապարտեզի վերաբերյալ հրապարակված տեսանյութից հետո, որտեղ նշվում է, որ հաստատությունը կրկին նորոգվում է, քաղաքապետարանը ներկայացրել է պարզաբանում։
Երևանի քաղաքապետի խոսնակ Հայկ Կոստանյանի խոսքով՝ դեռ ամիսներ առաջ արձանագրվել էին որոշ թերություններ կատարված աշխատանքում։ Դրանց շտկման նպատակով շինարարական ընկերությանը հանձնարարական է տրվել իրականացնել անհրաժեշտ գործողությունները։
«Աշխատանքները կատարվում են բացառապես ընկերության հաշվին, ոչ համայնքի բյուջեից։ Ընկերությունը պարտավորվել է դրանք ավարտել քաղաքապետարանի սահմանած ժամկետում»,- նշել է Կոստանյանը։
Այսպիսով, մանկապարտեզում ընթացող գործընթացը վերաբերում է նախորդ նորոգման ընթացքում հայտնաբերված խնդիրների վերացմանը, և դրանց իրականացման համար համայնքային լրացուցիչ ֆինանսավորում չի նախատեսվում։
Աղբյուր՝ Երևանի քաղաքապետի խոսնակ Հայկ Կոստանյան
