ԱՄՆ-ն և ևս 40 երկիր համատեղ հայտարարությամբ կոչ են արել պետություններին միջմայրցամաքային բալիստիկ հրթիռների (ՄԲՀ), սուզանավերից արձակվող բալիստիկ հրթիռների (ՍԱԲՀ) և տիեզերական կրող հրթիռների արձակման մասին նախապես ծանուցել։
Հայտարարության համաձայն՝ հատկապես միջուկային զենք ունեցող երկրները պետք է նման արձակումների մասին տեղեկացնեն առնվազն 24 ժամ առաջ։
Ծանուցումները պետք է ներառեն հրթիռի կամ կրող հրթիռի տեսակը, արձակման նախատեսվող ժամանակահատվածը, արձակման տարածքը և ուղղությունը։ Նշվում է նաև, որ պետությունները պետք է միջազգային չափանիշներին համապատասխան հստակ ծանուցումներ տրամադրեն օդաչուներին և նավաստիներին՝ ռիսկերը նվազեցնելու համար, այդ թվում՝ հրթիռների հնարավոր անկման կամ վայրէջքի տարածքների վերաբերյալ։
