6 ամսում կարգավորել եմ 6 պատերազմ. Թրամփ
ԱՄՆ նախագահ Դոնալդ Թրամփը հայտարարել է, որ կկանգնեցնի ռուս-ուկրաինական հակամարտությունը և կհասցնի այն մինչև վերջ՝ «չնայած դատարկ և շատ նախանձ քննադատներին»։
«Ես 6 ամսում կարգավորել եմ 6 պատերազմ, որոնցից մեկը կարող էր վերածվել միջուկային պատերազմի, բայց ես ստիպված եմ կարդալ և լսել Wall Street Journal-ը և ուրիշների, որոնք պատմում եմ, թե ես ենթադրաբար սխալ եմ անում Ռուսաստան-Ուկրաինա խառնաշփոթի վերաբերյալ, որը քնկոտ Ջո Բայդենի պատերազմն է, ոչ թե իմը։ Ես այստեղ եմ միայն այն դադարեցնելու, այլ ոչ թե շարունակելու համար։
Սա երբեք տեղի չէր ունենա, եթե ես նախագահ լինեի։ Ես ճիշտ գիտեմ, թե ինչ եմ անում, և ինձ խորհուրդ պետք չէ այն մարդկանցից, ովքեր տարիներ շարունակ զբաղվել են այս բոլոր հակամարտություններով և երբեք ոչինչ չեն կարողացել անել դրանք դադարեցնելու համար։ «Սրանք «հիմար» մարդիկ են, զուրկ առողջ բանականությունից, ինտելեկտից կամ հասկացողությունից, և նրանք միայն բարդացնում են Ռուսաստանի և Ուկրաինայի ներկայիս աղետը, որը պետք է շտկվի։ Չնայած դատարկ և շատ նախանձ քննադատներին, ես դա կանեմ. ես միշտ ամեն ինչ մինչև վերջ եմ տանում», - գրել է նա Truth Social-ում։
