Պակիստանում հորդառատ անձրևների և ջրհեղեղների հետևանքով ավելի քան 300 մարդ է զոհվել
Պակիստանի հյուսիս-արևմուտքում երկու օր տևած ինտենսիվ անձրևների և ջրհեղեղների հետևանքով զոհվել է ավելի քան 300 մարդ, հարյուրավոր մարդիկ համարվում են անհետ կորած:
Տեղի իշխանությունների տվյալով՝ փրկարարական աշխատանքները և արգելափակված ճանապարհների մաքրումը շարունակվում են: Օդերևութաբանները հայտնել են, որ հորդառատ անձրևները կտևեն մինչև օգոստոսի 21-ը։
Վերջին շաբաթվա հորդառատ անձրևներից և ջրհեղեղներից տուժել են նաև Հնդկաստանի և Նեպալի որոշ շրջաններ:
