Էստոնիան մինչև 2027 թվականի վերջ կմշակի անօդաչու թռչող սարքերի դեմ «պատեր» համակարգը․ Միխալ
Էստոնիան մինչև 2027 թվականի վերջ կմշակի անօդաչու թռչող սարքերի դեմ «պատեր» համակարգը՝ հայտարարել է երկրի վարչապետ Քրիստեն Միխալը՝ Կոպենհագենում Եվրոպական քաղաքական համայնքի ոչ պաշտոնական հանդիպման ժամանակ: Միևնույն ժամանակ, նրա խոսքով, առաջին քայլերը կկատարեն արդեն հաջորդ տարի։
Պաշտոնյայի խոսքով՝ այդ ամենը համերաշխություն և ֆինանսական աջակցություն է պահանջում Եվրամիության կողմից։
«Մենք պետք է ավելի սերտորեն համագործակցենք պաշտպանական գնումների ոլորտում՝ հիմնվելով ՆԱՏՕ-ի ծրագրերի վրա, որպեսզի ապահովենք ավելի արագ մատակարարումներ և ավելի շահավետ գներ»,- ընդգծել է վարչապետը:
Բացի այդ, Միխալն անդրադարձել է ՌԴ-ի դեմ պատժամիջոցների նոր փաթեթին, որը, ըստ նրա, պետք է ներառի ռուսական հեղուկացված բնական գազի ներմուծումը, բանկային գործառնությունների և տուրիստական ծառայությունների արգելքը:
