Ջալալ Հարությունյանը չարդարացվեց. նա կտեղափոխվի ՔԿՀ
Արցախի պաշտպանության բանակի նախկին հրամանատար Ջալալ Հարությունյանը չի արդարացվի.
Վճռաբեկ դատարանը մերժել է վարույթ ընդունել նրան մեղավոր ճանաչելու վերաքննիչ դատարանի որոշման դեմ բողոքը:
Վճիռն ուժի մեջ է մտել, ինչը նշանակում է, որ առաջիկա օրերին Հարությունյանը կտեղափոխվի քրեակատարողական հիմնարկ: Սյունիքի մարզի ընդհանուր իրավասության դատարանը փետրվարին Ջալալ Հարությունյանին դատապարտել էր 5.5 տարվա ազատազրկման: Նա մեղավոր էր ճանաչել ռազմական դրության ժամանակ՝ 2020 թ. հոկտեմբերի 12-ին, ծառայության նկատմամբ անփույթ վերաբերմունք դրսևորելու համար, ինչն անզգուշությամբ առաջացրել էր ծանր հետևանքներ` Ցորի զորամասի Դ-20 հրետանային դիվիզիոնի 20 զինծառայող զոհվել էր, իսկ մեկ զինծառայողի գտնվելու վայրը մինչև օրս անհայտ է:
