Կրակոցներ Դալասի ներգաղթի և մաքսային ծառայության (ICE) տարածաշրջանային գրասենյակում
Դալասում ԱՄՆ ներգաղթի և մաքսային հսկողության ծառայության (ICE) տարածաշրջանային գրասենյակի տարածքում տեղի է ունեցել հրաձգություն։ Անհայտ զինված անձը կրակ է բացել ձերբակալված միգրանտների վրա։
Երկու մարդ հրազենային վիրավորումներով տեղափոխվել է հիվանդանոց։ Զոհերից մեկը մահացել է դեպքի վայրում։ Կրակողը մահացել է ինքն իրեն հասցված հրազենային վերքից, հայտնել են դաշնային իշխանությունները։
«Նախաքննությունը պարզել է, որ կառավարության շենքի ուղղությամբ կասկածյալը կրակ է բացել հարակից շենքից»,- ասվում է ոստիկանության հայտարարության մեջ։
ԱՄՆ ներքին անվտանգության նախարար Քրիստի Նոեմը հայտարարել է, որ կատարվածի մանրամասները քննվում են, դրդապատճառը դեռևս անհայտ է, բայց նշել է, որ ICE գործակալների վրա հարձակումները վերջերս ավելի հաճախակի են դարձել։
