Խոշոր չափերի մարիխուանայի հայտնաբերում Վանաձորում. Լոռու քրեական ոստիկանների բացահայտումը
Սեպտեմբերի 18-ին Քրեական ոստիկանության Լոռու մարզային վարչությունում օպերատիվ տեղեկություն էր ստացվել, որ Վանաձոր քաղաքի Քիմիագործների փողոցի 66-ամյա բնակիչը տնամերձ հողամասում կանեփ է աճեցրել և պատրաստել մարիխուանա տեսակի թմրամիջոց:
Տղամարդը ձերբակալվել և տեղափոխվել է մարզային վարչություն:
Նախաձեռնվել է քրեական վարույթ, որի շրջանակում կատարված զննությամբ 66-ամյա վանաձորցու տանը կից խորդանոցում հայտնաբերվել է 102 գրամ կանեփի չորացված, մանրացված զանգված, նույն զանգվածից 35 գրամ հայտնաբերվել է հողամասում գտնվող սեղանին, իսկ հողամասում հայտնաբերվել են կանեփի թփեր:
Ձերբակալվածը կազմված փաստաթղթերի հետ ներկայացվել է նախաքննական մարմին:
Կատարվում է նախաքննություն:
