Ծերուկն անտանելի է դառնում. Արսեն Թորոսյանի արձագանքը Լևոն Տեր-Պետրոսյանի հայտարարություններին
Աշխատանքի և սոցիալական հարցերի նախարար Արսեն Թորոսյանը ֆեյսբուքյան գրառմամբ անդրադարձել է ՀՀ առաջին նախագահ Լևոն Տեր-Պետրոսյանի հայտարարություններին:
«Ծերուկն անտանելի է դառնում…
Ուրեմն ինչքան պետք է ատես սեփական երկիրդ ու ժողովրդիդ, որ լինելով քո երկրի առաջին նախագահ, հերիք չի մեղադրես սեփական երկրիդ պատերազմ հրահրելու մեջ, մի բան էլ 1.000 հոգով ավելացնես 44-օրյա պատերազմի զոհերի թիվը՝ կրկնելով Սերժի փեսա Միշիկի կողմից դաշտ նետված 5.000 զոհի թիվը և նոր զազրելի թեզ նետես դաշտ՝ 10.000-ից ավելի հաշմանդամ զինվորների մասին, այն դեպքում, երբ մենք պատերազմի հետևանքով ունենք մոտ 900 հաշմանդամություն ունեցող անձ, որոնցից վերջույթների ամպուտացիայով 142 անձ, ովքեր պետական աջակցության շնորհիվ ապահովված են ժամանակակից պրոթեզներով և այլ աջակցող պարագաներով։
Ծերուկի և յուր թիմի անդունդն անհատակ է»,- գրել է Թորոսյանը:
