Հայաստանը տոնում է Անկախությունը՝ խաղաղության և կայուն զարգացման տեսլականով. Թորոսյան
ՀՀ աշխատանքի և սոցիալական հարցերի նախարար Արսեն Թորոսյանն Անկախության օրվա առթիվ հանդես է եկել ուղերձով, որտեղ շեշտել է խաղաղության հաստատման կարևորությունը և դրա ազդեցությունը Հայաստանի զարգացման հեռանկարների վրա։
«Այսօր նշում ենք մեր Անկախության տոնը՝ հաստատված խաղաղության պայմաններում։ Օգոստոսի 8-ին ստորագրված Խաղաղության հռչակագիրը մի նոր էջ է բացել ոչ միայն մեր պետության, այլև ողջ տարածաշրջանի ժողովուրդների համար, ինչն իր հերթին մեր պետությանը տալիս է իրապես անկախ, ինքնիշխան ու բարեկեցիկ երկիր լինելու բոլոր հիմքերը։
Պետության անկախությունը ամրապնդվում է մեր բոլորիս ամենօրյա աշխատանքով, աշխատող, արարող քաղաքացիների կողմից վճարվող հարկերով, որոնք էլ ծառայեցվում են սոցիալական, կրթական, անվտանգային և այլ ոլորտներում Հայաստանի Հանրապետության շարունակական զարգացումն ապահովելու համար:
Շնորհավորում եմ բոլորիս: Կեցցե՜ Հայաստանի Հանրապետությունը»,-գրել է նախարարը:
