Ռուսաստանը և Ուկրաինան հայտնել են փոխադարձ հարվածների մասին
Ռուսաստանը և Ուկրաինան հայտնել են փոխադարձ հարվածների մասին: Ըստ Ռուսաստանի պաշտպանության նախարարության՝ գիշերը խոցվել է ուկրաինական 40-ից ավելի անօդաչու թռչող սարք: Հարվածների տակ է հայտնվել Ռոստովի մարզը, որտեղ բռնկվել է հրդեհ: Իսկ Վոլգոգրադում ժամանակավորապես փակվել է օդանավակայանը:
Ուկրաինան էլ հայտնել է, որ ռուսական կողմը երկրի վրա է արձակել 75 ԱԹՍ: Դրանց մի մասը թիրախավորել է Պոլտավայի մարզի երկաթուղային ենթակառուցվածքը: Բռնկվել են հրդեհներ, գնացքների երթևեկությունը խափանվել է: Հարվածների տակ է հայտնվել նաև Կիևի մարզը, Բորիսպոլի շրջանում այրվել են պահեստներ:
Ուկրաինայի նախագահ Վոլոդիմիր Զելենսկին ավելի վաղ հայտարարել էր, որ պատերազմի մեկ տարվա արժեքը կազմում է 120 միլիարդ դոլար, որից 60 միլիարդը հատկացվում է Ուկրաինայի բյուջեից, իսկ մնացած 60 միլիարդը հաջորդ տարվա համար պետք է խնդրել դաշնակիցներից:
