Էրդողանը ՄԱԿ-ի Գլխավոր ասամբլեայում կխոսի Պաղեստինի և Իսրայելի գործողությունների մասին․ CNN
Թուրքիայի նախագահ Ռեջեփ Թայիփ Էրդողանը մտադիր է ՄԱԿ-ի Գլխավոր ասամբլեայում իր ելույթի մեծ մասը նվիրել Գազայում իրավիճակին, պաղեստինցիներին և Իսրայելի գործողություններին:
CNN Türk-ի փոխանցմամբ՝ թուրք առաջնորդը մտադիր է ամբիոնից ցուցադրել Գազայում իրավիճակի լուսանկարները։
Էրդողանը մտադիր է ընդգծել, որ Պաղեստինի և Գազայի խնդիրները մարդկության համար ընդհանուր փորձություն են, և ամբողջ միջազգային հանրության ընդհանուր պատասխանատվությունն է ՄԱԿ-ը դարձնել համաշխարհային արդարադատությունը ներկայացնող հարթակ՝ պաղեստինցի ժողովրդի նկատմամբ տարիներ շարունակ կատարված վայրագությունների դեմ։
Էրդողանը ավելի վաղ միջազգային միջոցառումների ժամանակ հայտարարել է, որ 23 ամիս վայրագությունները չկանխելու համար որևէ արդարացում չկա, որի արդյունքում Գազայում սովից մահանում են երեխաներ և տարեցներ։
Ինչպես նշում է հեռուստաալիքը, սպասվում է, որ ՄԱԿ-ի Գլխավոր ասամբլեայի ամբիոնից թուրք առաջնորդը կրկին Իսրայելի կառավարության գործողությունները Գազայում կբնութագրի որպես ցեղասպանություն և կընդգծի Իսրայելի կողմից այդ հատվածի օկուպացիայի անընդունելիությունը։
