Կառավարությունը շուրջ 369 մլն ՀՀ դրամ է հատկացրել Կապանի թիվ 2 մանկապարտեզի հիմնանորոգման համար
Գիտելիքի և դպրության օրը՝ սեպտեմբերի 1-ին, Կապանում շուրջ 160 փոքրիկների առջև պաշտոնապես իր հյուրընկալ դռներն է բացել Կապանի թիվ 2 նախադպրոցական ուսումնական հաստատությունը։
Ավելի քան 40 տարվա պատմություն ունեցող և կառուցման օրից երբևէ չհիմնանորոգված մանկապարտեզն այժմ երեխաներին է ներկայանում բոլորովին նոր ու լուսավոր, ընդարձակ և հարմարավետ պայմաններով. նշենք, որ սա մինչ այժմ հիմնանորոգված 7 մանկապարտեզներից ամենախոշոր ծրագիրն է
Մանկապարտեզի ներքին հարդարման ու ձևավորման աշխատանքներն իրականացվել են գունային հետաքրքիր լուծումներով՝ երեխաների համար ստեղծելով վառ ու ջերմ միջավայր: Մանկապարտեզի բակը և հարակից տարածքը ևս բարեկարգվել են, տեղադրվել են մանկական խաղասարքեր, զրուցարան-տաղավարններ:
ՀՀ կառավարությունը «300 դպրոց և 500 մանկապարտեզ» ծրագրի շրջանակներում հատկացրել է 369 մլն ՀՀ դրամ:
