Երևանում սալաքարեր տեղափոխող բեռնատար մեքենայից «Բելաջիո» ռեստորանի թունելի մոտ մի մասը թափվել էր, երթևեկությունը խաթարվել
Ճանապարհային երթևեկության անվտանգության պահպանման մեջ է մտնում նաև այն, որ բեռներ տեղափոխող մեքենաները ևս պարտադիր պետք է պահպանեն անվտանգության կանոնները։
Մինչդեռ թե՛ Երևանում, թե՛ մարզերում կարելի է հանդիպել որոշ «վայ վարորդների», ովքեր բեռները տեղափոխում են՝ չպահպանելով անվտանգության կանոնները։
Երեկ՝ սեպտեմբերի 1-ին, ականատես եղանք, թե ինչպես «Mercedes» մակնիշի քարաշաղախ-բեռնատարը բեռ տեղափոխելիս Մյասնիկյան պողոտայում՝ դեպի Սարալանջի ճանապարհ ընթանալիս, «Բելաջիո» ռեստորանային համալիրի մոտ բեռի մի մասը թափեց։
Բարեբախտաբար այդ պահին ավտոմեքենաներ չէին անցնում, հակառակ դեպքում քարերը կվնասեին այդ ավտոմեքենաները։
«Shamshyan.com»
