Գլխավոր դատախազությունը պահանջում է Ոստիկանության պետական պահպանության գլխավոր վարչության նախկին պետ Արամ Զաքարյանից բռնագանձել անշարժ գույքեր և դրամական միջոց
Հակակոռուպցիոն դատարանը վարույթ է ընդունել ՀՀ գլխավոր դատախազության կողմից ներկայացված հայցը, որը վերաբերում է ոստիկանության պետական պահպանության գլխավոր վարչության նախկին պետ Արամ Մայի Զաքարյանի նկատմամբ։
Գլխավոր դատախազության ապօրինի ծագում ունեցող գույքի բռնագանձման գործերով վարչության կողմից դատարանին ներկայացված պահանջի շրջանակում նախատեսվում է բռնագանձել՝
• երկու անշարժ գույք Երևան քաղաքում,
• մեկ իրավաբանական անձում ունեցած մասնակցություն,
• ինչպես նաև 14 միլիոն 203 հազար դրամ՝ որպես ապօրինի ծագում ունեցող դրամական միջոցների մնացորդ։
Հայցադիմումն այժմ գտնվում է դատարանում և ընթացքի մեջ է։
