Մարտունիում կկառուցվի ժամանակակից մարզահամալիր. ՀՀ կառավարություն
ՀՀ կառավարության 2025 թվականի օգոստոսի 28-ի նիստում հաստատվել է Մարտունի համայնքում սիրողական սպորտի զարգացման ծրագիրը, որի շրջանակներում էլ կկառուցվի ժամանակակից և տիպային մարզահամալիր։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմից, այս ծրագիրը կյանքի է կոչվելու պետական-մասնավոր համագործակցության ձևաչափով՝ նպատակ ունենալով խթանել զանգվածային սպորտը, բարձրացնել քաղաքացիների ֆիզիկական ակտիվությունը և խորացնել առողջ ապրելակերպի մշակույթը։ ժամանակակից և տիպային մարզահամալիրն իր մեջ կներառի խաղային մարզադահլիճ, լողավազան, ֆիտնես սրահ։«Այս մարզահամալիրը կծառայի ամբողջ համայնքին՝ անկախ տարիքից կամ մարզական նախասիրությունից՝ դառնալով ոչ միայն սպորտային, այլև առողջ ապրելակերպի և համայնքային կյանքի ակտիվ կենտրոն։
Ուզում եմ ընդգծել, որ նմանատիպ մարզահամալիրներ կառուցվելու են նաև Գեղարքունիքի մարզի մյուս խոշորացված համայնքներում, ինչը նշանակում է հավասար հնարավորությունների ապահովում՝ առողջ, ակտիվ և լիարժեք կյանքով ապրելու համար»,-նշել է Գեղարքունիքի մարզպետ Կարեն Սարգսյանը։
