Հրաձգություն ԱՄՆ Մինեապոլիսի դպրոցում, կան զոհեր
Մինեապոլիսի կաթոլիկ դպրոցում տեղի ունեցած հրաձգության հետևանքով զոհվել է առնվազն 2 մարդ, վիրավորվել են ավելի քան 10-ը:
Անհայտ զինված անձը կրակ է բացել առավոտյան, երբ ծնողները երեխաներին դասի էին տանում: Դպրոցում սովորում են 14 տարեկանից փոքր երեխաներ:
Ոստիկանության տվյալներով՝ հարձակվողը «չեզոքացվել է»: Լրատվամիջոցները, հղում անելով աղբյուրներին, հաղորդում են, որ կրակողը ինքնասպան է եղել, սակայն դա պաշտոնապես չի հաստատվել:
ԱՄՆ նախագահ Դոնալդ Թրամփը տեղեկացվել է ողբերգության մասին: «Սպիտակ տունը կշարունակի հետևել այս սարսափելի իրավիճակի զարգացմանը»,- ասել է ԱՄՆ ղեկավարը:
