Բաքուն ակնկալում է, որ Երևանը կփոփոխի սահմանադրությունը՝ խաղաղության համաձայնագիր ստորագրելու համար․ Բայրամով
Բաքուն ակնկալում է, որ Երևանը կփոփոխի Հայաստանի սահմանադրությունը՝ խաղաղության համաձայնագիր ստորագրելու համար: Այս մասին հայտարարել է Ադրբեջանի արտգործնախարար Ջեյհուն Բայրամովը։
«Բաքուն ակնկալում է, որ Երևանը կփոփոխի Հայաստանի սահմանադրությունը և լիովին կվերացնի Ադրբեջանի նկատմամբ տարածքային պահանջները՝ խաղաղության համաձայնագիր ստորագրելու համար։ Վաշինգտոնում ստորագրված համատեղ հռչակագրում հատուկ ընդգծվում է Նախիջևանի Ինքնավար Հանրապետության հետ անխոչընդոտ հաղորդակցության կարևորությունը՝ որպես Ադրբեջանի անբաժանելի մաս»,- ասել է Բայրամովը։
Նրա խոսքով՝ այսպես կոչված «Թրամփի երթուղին», որի մի մասը կանցնի Հայաստանի միջով, կապահովի անխափան հաղորդակցություն Ադրբեջանի ներսում և տարածաշրջանային տնտեսական ինտեգրացիա։
