«Ֆլորենս» ռեստորանային համալիրի հարևանությամբ հաստաբուն ծառը տապալվել և փակել էր ճանապարհի երթևեկելի գոտին
Այսօր՝ օգոստոսի 25-ին, արտակարգ դեպք է տեղի ունեցել Երևանում։ Ժամը 20։10-ի սահմաններում ՀՀ Ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է ստացվել, որ Հրազդանի կիրճում ծառը տապալվել է և փակել ճանապարհի երթևեկելի գոտին։
Ինչպես հայտնում է ֆոտոլրագրող Գագիկ Շամշյանը, փրկարաները էլեկտրական սղոցի օգնությամբ մասնատել են «Ֆլորենս» ռեստորանային համալիրի հարևանությամբ տապալված ծառը և տեղափոխել անվտանգ վայր, իսկ ծառի տապալման հետևանքով, ըստ նախնական տեղեկությունների բարեբախտաբար տուժածներ չկան։
Աղբյուր՝ «Shamshyan.com»
