ԱՄՆ-ի կողմից G20-ի նախագահության պաշտոնական կայքում հրապարակվել է այն երկրների ցանկը, որոնք հրավիրվել են մասնակցելու 2026 թվականի դեկտեմբերի 14-15-ը Մայամիում կայանալիք գագաթնաժողովին։ Հրավիրվածների թվում է նաև Ադրբեջանը։
G20-ի մասնակիցների կառուցվածքը
G20-ը («Քսանյակի խումբը») համաշխարհային տնտեսական համագործակցության գլխավոր հարթակն է, որը միավորում է աշխարհի առաջատար տնտեսությունները։
Մշտական անդամներ. Խմբի կազմում են Արգենտինան, Ավստրալիան, Բրազիլիան, Կանադան, Չինաստանը, Ֆրանսիան, Գերմանիան, Հնդկաստանը, Ինդոնեզիան, Իտալիան, Ճապոնիան, Մեքսիկան, Ռուսաստանը, Սաուդյան Արաբիան, Հարավային Աֆրիկան, Հարավային Կորեան, Թուրքիան, Միացյալ Թագավորությունը, ԱՄՆ-ը և Եվրոպական միությունը, ինչպես նաև Աֆրիկյան միությունը։
Հրավիրված երկրներ. Մայամիում կայանալիք գագաթնաժողովին որպես հրավիրված երկրներ կմասնակցեն Ադրբեջանը, Ղազախստանը, Ուզբեկստանը, Ֆինլանդիան, Իռլանդիան, Նիդերլանդները, Նորվեգիան, Կատարը, Սինգապուրը, Իսպանիան և Արաբական Միացյալ Էմիրությունները։
G20-ի գագաթնաժողովները հնարավորություն են տալիս քննարկելու համաշխարհային տնտեսական օրակարգն ու ռազմավարական մարտահրավերները՝ հիմնական անդամների և հրավիրված գործընկերների մասնակցությամբ։
Հիշեցնենք, որ 2025 թվականին գագաթնաժողովը անցկացվել էր Յոհանեսբուրգում։
